Хитойда COVID-19 касаллиги билан боғлиқ кўрсаткич икки ой ўтгач, яна орта бошлади. Бу ҳақда мамлакат соғлиқни сақлаш вазирлиги баёнот берди.

Маълум бўлишича, Юньнань провинциясининг жануби-ғарбий қисмида, Мьянма билан чегарадош Жуйли шаҳрида ҳам янги ҳолатлар кузатилган.

Ҳукумат шу ҳудудда яшовчилар учун уй карантини эълон қилди. Бир ҳафтадан буён одамларнинг шаҳарга на киришига, на чиқишига рухсат берилмаяпти.

Таъкидлаш керак, 4 апрель куни 15 кишида инфекция қайд этилган бўлиб, уларнинг ҳаммаси шаҳарда истиқомат қилишади. Бундан ташқари, чет элдан келган 32 нафар фуқарода ҳам вирус аниқланди.

Жуйлидаги ҳолатнинг генетик таҳлили шуни кўрсатдики, маҳаллий юқумли касалликлар Мьянмадан кириб келган вирусдан пайдо бўлган. Беморларнинг 11 нафари Мьянма фуқаролари экани айтилмоқда.

Бугун шаҳарда маҳаллий вақт билан соат 19:00 да учта юқори хавфли ва олтита ўртача хавфли ҳудуд рўйхати эълон қилинди, дея хабар бермоқда CCТВ давлат телерадиокомпанияси.

Жуйлида 6 апрелдан бошлаб коронавирусга қарши иккинчи синов ўтказилади. Шунингдек, 15-29 март кунлари юқори хавфли ҳудудлардан бири бўлган тумандаги бозорга кирган фуқаролар уй карантинига олинади.

Дарвоқе, Хитойнинг материк қисмида COVID-19 билан касалланганларнинг умумий сони 90 минг 305 тага етди. Вирусдан вафот этганлар эса ўзгаришсиз, 4 минг 636 кишини ташкил қилмоқда.