Хитойда БМТнинг биологик хилма-хиллик бўйича конвенциясининг 15-анжумани ўтказилмоқда
Хитойнинг Юньан провинцияси маъмурий маркази Куньмин шаҳрида БМТ биологик хилма-хиллик бўйича конвенциясининг 15-анжумани ўз ишини давом эттирмоқда.
“Синьхуа” хабарига кўра, мазкур йирик халқаро тадбир мавзуси “Экологик тамаддун: Ердаги ҳаёт келажаги учун”, деб номланади.
Хитой раиси Си Цзиньпин иштирокчиларга видеомурожаат йўллаган.
Анжуманнинг биринчи босқичида глобал ҳаракат дастури ишлаб чиқиш, экологик тамаддун масалалари кўриб чиқилади.
Келгуси йилнинг биринчи ярмига режалаштирилган иккинчи босқичда эса, дастур қабул қилинади.
Анжуман ишида дунёнинг барча қитъаларидан 196 нафар вакил иштирок этмоқда.