Бу янги материал қуёш нури ва иссиқлик билан ўзаро таъсирлашади — ва оддий цементдан фарқли ўлароқ, иссиқликни ичкарига йиғмасдан, аксинча, уни қайтаради ва бино ичини совутади.

Тадқиқот натижалари Science Advances журналида чоп этилди.  

Олимларнинг айтишича, бу “фотон-структураланган цемент” қотгач, юзасида махсус кристалли тузилмалар — эттрингит кристаллари шаклланади. Улар кўринадиган ёруғликни акс эттиради, инфрақизил нурларни эса ўтказиб юборади. Натижада, қуёшли кунларда бино девори қизимайди, балки совийди.

Оддий цемент қуёш нури ва иссиқликнинг атиги 30 фоизини акс эттиради. Аммо янги цемент деворларни 60-70°С даражагача қизишдан сақлаб, атиги 30-35°С гача ушлаб туради. Бу эса бино ичидаги ҳароратни 5 даражагача пасайтиради.

Тажрибалар кўрсатди: бу материал билан қопланган бинолар ичкарида кондиционер ишлатмасдан ҳам салқин бўлади.

Келажакда бундай цемент уйларни қуриш харажатларни камайтиради, электр энергиясига бўлган эҳтиёжни пасайтиради ва атроф-муҳит учун фойдали бўлади.

<iframe width="560" height="315" src="https://www.youtube.com/embed/abY-PWKfjwM?si=Rbas9R8xL2JbTfV2" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА