Хитой Савдо вазирлиги баёнотига кўра, Япония Бош вазири Санаэ Такаичининг Тайвань ҳақидаги баёнотидан сўнг Японияга икки мақсадли маҳсулотлар экспортини тақиқлади. Қарорга кўра, ҳарбий йўналишда ишлатиладиган ҳеч қандай товар энди кун чиқар юртга сотилмайди. Ушбу чора дарҳол кучга кирди.

- Яқинда Япония раҳбари Тайвань масаласида нотўғри фикр билдирди, - деди вазирлик вакили. - Хусусан, оролга ҳарбий аралашув эҳтимолига ишора қилди. Бундай шарҳ “ягона Хитой” тамойилини бузиш, “нохолис ният” ифодаси сифатида ўта зарарли оқибатга олиб келиши мумкин.

С.Раҳимов, ЎзА