Хитой ҳукумати қурғоқчилик оқибатини бартараф этиш ва улкан ҳудудда қишлоқ хўжалиги маҳсулотлари етиштиришни таъминлаш учун 443 миллион юань (тахминан 62,26 миллион доллар) ажратди. Бу ҳақда Хитой Халқ Республикаси Молия вазирлиги баёнотида айтилган.

Баёнотга кўра, ушбу қарор Хэбэй, Шаньси, Цзянсу, Аньхой, Шаньдун, Хэнань ва Шэньси музофотларида қурғоқчиликни бартараф этишни қўллаб-қувватлаш мақсадини кўзлаган.

Ҳисоботда қайд этилишича, узоқ давом этган иссиқ, кам ёғингарчилик туфайли мамлакатнинг айрим ҳудудларида қурғоқчилик юзага келган. Тупроқда намлик йўқолиши ёзги чигит экиш мавсумига, кўчатлар ўсишига салбий таъсир кўрсатган.

Aжратилган маблағ зарар кўрган ҳудудларда тупроқ намлигини тиклаш, янги экинлар экиш, қўшимча ўғит беришга йўналтирилади. Бу саъй-ҳаракат ёзги экиш кампанияси муваффақиятини таъминлайди, кузда мўл ҳосил олиш учун замин яратади.