Хитой миллий иммиграция маъмурияти мамлакатдан турли мақсадлар билан чиқиш ва унга кириш учун ўз вақтида ёки тезлаштирилган паспорт хизматини кўрсатади, дейилади “Синьхуа” хабарида.

Таълим олиш, ишга жойлашиш каби мақсадларда тезлик билан хорижга чиқиши ёки мамлакатга кириши лозим бўлган фуқароларнинг ҳужжати мазкур маъмурият томонидан кўриб чиқилади. 

Ҳужжат тасдиқланганидан кейин уларга рухсат берилади, деди маҳкама ходими Лю Хайтао. Айни пайтда у, маъмурият, ўта зарур бўлмаган хорижий сафарларни чеклаш сиёсатини давом эттиришини айтди.