Хитойнинг Шандун вилоятида икки ҳафта олдин портлаш содир бўлган кондаги кончилардан яна тўрт нафари харобалар остидан чиқариб олинди.

“South China Morning Post” бу ҳақда хабар берган.  

Аввалроқ яна етти киши қутқарилгани маълум қилинганди. Таъкидланишича, ҳалокат пайтида конда, ҳаммаси бўлиб 22 нафар кончи бўлган.  

18 январда конда қолиб кетган ишчилар билан алоқадан кейин 12 нафари омон қолгани айтилганди. Қолганларнинг тақдири номаълум бўлиб турибди.

Қутқариб олинганлар учун ҳар томонлама зарурий кўмак кўрсатилмоқда.