ФОТОРЕПОРТАЖ

Шундай таклиф билан Хитой Халқ Республикасидаги йирик “NORINCO International Cooperation Ltd” компанияси вакиллари Наманган вилоятига келди.

“NORINCO International” - Хитой Шимолий Саноат Корпорациясининг шўъба корхонаси бўлиб, “Бир камар, бир йўл” ташаббусини амалга оширишда муҳим вазифани бажаради. Темир йўл транспорти, энергетика, нефть ва кончилик, коммунал ва уй-жой лойиҳалари, кўчмас мулкни ривожлантириш, оғир юк машиналари ва ускуналари, тадқиқот ва ишланмалар каби ихтисослашган соҳаларда рақобатбардошликка эга.  

[gallery-18451]

Вилоят ҳокими Шавкат Абдураззоқов хитойлик меҳмонларни қабул қилиб, вилоятнинг бугунги иқтисодий-инвестицион салоҳияти ҳақида маълумот берди.  

Ўзаро мулоқотда хитойлик ишбилармонлар компаниянинг имкониятлари, ютуқлари ҳақида тақдимот ўтказди. Наманганда чиқиндини қайта ишлаб, ундан электр энергияси олишни йўлга қўйиш юзасидан фикр-мулоҳазалар алмашилди.  

Айни вақтда компания вакиллари ҳудудларга чиқиб, вилоятдаги мавжуд имконият ва шароитлар билан танишмоқда. Ўрганишлар якуни бўйича маъқул келган йўналишларда ҳамкорлик ўрнатиш мақсад қилинган.

Ҳотам МАМАДАЛИЕВ(сурат),ЎзА