Барча давлатлар биргаликда глобал хавфсизликда адолат ва холисликни таъминлаши ҳамда глобал ва минтақавий долзарб муаммоларни, жумладан, Фаластин-Исроил можароси ва Украина инқирозини ҳал қилишда конструктив роль ўйнаши керак, дейди Хитой ташқи ишлар вазири Ван И 2023 йилги Халқаро вазият ва Хитой дипломатияси бўйича бўлиб ўтган семинарда.

“Биз ҳар доим адолат ва холислик тамойилларига амал қиламиз, тенг ва тартибли кўп қутбли дунёни барпо этиш тарафдори бўламиз, ҳақиқий кўп қирралиликни амалга оширамиз ва халқаро муносабатларни демократлаштиришга ёрдам берамиз”, дейди у. 

Катта ва кичик барча давлатлар ўртасида тенгликка қатъий риоя қилиниши зарур. Ҳар бир давлат глобал кўп босқичли тизимда ўз ўрнига эга ва ўзига муносиб роль ўйнаши мумкин. 

Барча давлатлар БМТ Низомининг мақсад ва тамойилларига амал қилишлари, халқаро муносабатларнинг асосий меъёрларини ҳимоя қилишлари, глобал бошқарув тизимини ислоҳ қилиш ва қуришда биргаликда иштирок этишлари керак, - дейди вазир. 

ЎзА