Хитой БМТ Хавфсизлик кенгашининг доимий аъзолари Россия, Хитой, АҚШ, Франция ва Буюк Британия раҳбарларининг саммитини имкон қадар тезроқ ўтказишга қизиқиш билдирди. Муҳокама қилиш учун кўп масалалар тўпланиб қолди, деди Хитойнинг БМТдаги доимий вакили Чжан Цзюнь журналистларга.

Унинг айтишича, бундан аввал ҳам Россия, Хитой ва Франция бешлик саммитини ўтказишни таклиф этган эди.  

"Шу вақтгача ушбу масалада баҳс-мунозаралар бўлаётган эди, имкониятлар ўрганилмоқда. Биз бундай саммитнинг тезроқ бўлишини хоҳлаймиз, чунки глобал муаммолар жуда кўп. Айниқса тинчлик ва хавфсизлик соҳасида муаммолар кўп, бошқа таҳдидлар ҳам бор", - деди Чжан Цзюнь.

Шу билан бирга, у ҳозирча саммит кун тартиби ишлаб чиқилмагани ва уни ўтказиш қарори ҳам қабул қилинмаганини таъкидлаб ўтди.