Америка Қўшма Штатларининг Ҳинд-Тинч океани минтақасидаги янги стратегияси Хитойга қарши очиқдан-очиқ чақириқдир. 22 февраль куни Хитой ташқи ишлар вазирлиги сайтида эълон қилинган вазир Ван И билан АҚШ давлат котиби Энтони Блинкен ўртасида телефон орқали бўлиб ўтган суҳбатнинг мавзуси шу ҳақда бўлгани айтилмоқда.

«Яқинда америка томони янги Ҳинд-Тинч океани  стратегиясини тақдим этди. Унда Хитой минтақадаги энг асосий таҳдид экани очиқ айтилган. Бундан ташқари, Хитойни Тайвань орқали тўхтатиб туриш тамойили ҳақида ҳам айтиб ўтилган»,  дея Ван Ининг сўзларини келтиради Хитой ташқи ишлар вазирлиги сайти.

Ван Ининг баёнот беришича, АҚШда айрим расмийларнинг Хитой билан узоқ муддатли қаттиқ рақобатга чақириқлари икки мамлакат ўртасида «кенг қамровли қарама-қаршиликка» айланиб кетиши мумкин.