Хитой ва АҚШ ҳамкорлик қилиши керак, бир-бирини тийиб туришга ва босим ўтказишга уриниш ҳеч бир томонга фойда келтирмайди, деб баёнот берди ХХР Давлат кенгаши раҳбари Ли Цян душанба куни бўлиб ўтган матбуот анжуманида.

“Хитой ва АҚШ ҳамкорлик қилиши мумкин, Хитой ва АҚШ ҳамкорлик қилиши керак, Хитой ва АҚШ ҳамкорлик қилиш учун улкан салоҳиятга эга, бир-бирини тийишга ва ўзаро босим ўтказишга  уриниш ҳеч бир томонга фойда бермайди”, – деди у журналистларга.  

Унинг таъкидлашича, Хитой ва АҚШ иқтисодий алоқалари узилиши мавзуси вақти-вақти билан қизитиб турилади, лекин ушбу гап-сўзлардан якунда ким фойда кўриши, тушунарсиз.    

Унинг айтишича, икки мамлакат иқтисодиёти бир-бирини тўлдиради, шу боис бир томоннинг тараққиёти нариги томон учун ҳам фойдалидир.