Хитой аҳолисининг 85 фоизи коронавирусга қарши тўлиқ эмланди
Хитойда 1 миллиард 220 миллиондан ортиқ фуқаро COVID-19 га қарши тўлиқ эмланди. Бу мамлакат аҳолисининг 85 фоиздан кўпини ташкил қилади.
ХХР соғлиқни сақлаш миллий комиссияси спикери Ми Фен фуқаролар учун вакцина олиш бепул ва ихтиёрий эканини айтди.
Мамлакатда 14 январгача вакцинанинг 2 миллиард 928 миллион 981 минг дозаси қўлланилган. 1 миллиард 220 миллион 584 минг фуқаро тўлиқ эмланган.
Таъкидлаш жоиз, ҳозирча Хитойда тўрт хил оммавий тарзда ишлаб чиқарилган вакцина тасдиқланган.