FOTOREPORTAJ

Hisor tog‘lariga qish qadami yetganda, tabiat o‘zining eng sokin va ulug‘vor manzarasini namoyon etadi. Samorang cho‘qqilar oppoq qor ko‘rpasiga burkanib, go‘yo osmon yerga engashgandek tuyuladi. Bulutlar orasidan jilmaygan quyosh nurlari tog‘ bag‘riga tilla jilvalar sochib, atrofni beqiyos go‘zallikka burkaydi.

Tog‘ bag‘ridagi vodiylar, qatlam-qatlam qoyalar va chingakka botgan jarlar tabiatning abadiy qudratidan so‘zlaydi. Qishning ayozli nafasi bu yerda yanada tiniq, yanada musaffo seziladi. Shu sovuq havo bag‘rida ham inson ruhini tozalovchi, fikrini charxlovchi va qalbini tetiklashtiruvchi bir ajib sokinlik mujassam.

[gallery-27631]

Hisor tog‘larining qishki jozibasi hayotning barqarorlik va o‘zgarishlar uyg‘unligini eslatadi. Qor ostida bahorni intiqlik bilan kutayotgan maysalar kabi, inson ham mashaqqatlar orasida umid tongini kutar. Tog‘larning ulug‘vor sokinligi sabr va bardoshning timsoli sifatida namoyon bo‘ladi.

Hisor tog‘larida qish — bu faqat manzara emas, balki hayot falsafasi. U har bir faslning o‘ziga xos go‘zalligi va sabog‘i borligini anglatadi.

Jamshid NORQOBILOV (surat), O‘zA