27 январь, дунё ОАВларидаги энг муҳим хабарлар билан “Хориж хабарлари” дастурида танишинг.

<iframe width="650" height="420" src="https://www.youtube.com/embed/nz6u6Op0Db4" title="Hindistonda tarqalayotgan Nipax virusi Osiyoda xavotir uyg‘otmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Калифорния федерал суди Google аризасини рад этди

Федерал суд Googleʼнинг аризасини рад қилди. Истеъмолчилар даъво қиладиларки, компания Apple ва Android ишлаб чиқарувчилари билан келишувлари орқали қидирув бозорида устунликка эришган. Эксклюзив ҳамкорликлар альтернатив платформаларнинг ривожланишига тўсқинлик қилган. Суд ҳозирча 2017 йилгача бўлган даъволарни кўриб чиқмади.

Ҳиндистон Европа автомобиллари импортини очмоқда

Ҳиндистон Европа Иттифоқи билан эркин савдо келишуви арафасида Европа автомобиллари импортига қўйилган бой ставкаларини пасайтирмоқда. Ҳозир 70–110% бўлган ставкалар дастлаб 40%га туширилади, кейин эса босқичма-босқич 10%га камаяди. Биринчи босқичда 15 минг евродан юқори нархдаги автомобиллар қамраб олинади; электромобиллар дастлаб беш йил имтиёздан четда қолади.

Эрон ҳар қандай ҳужумга кенг жавобга тайёр

Эрон ТИВ Теҳрон ҳар қандай ҳужумга кенг кўламли жавоб бериши мумкинлигини маълум қилди. Вазирлик вакили Исмоил Бекейнинг айтишича, мамлакат ўз имкониятларига ишонади ва ҳар қандай тажовузга жавоб аввалгидан ҳам кенг ва жиддий бўлади.

Ливия 100 та янги нефть ва газ қудуқларини очади

Ливия 2026 йилда 100 та янги нефть ва газ қудуқларини ишга туширишни режалаштирмоқда.  

Ўтган йили эса 30 дан ортиқ қудуқ очилган. 2025 йил ноябрида 17 йилда биринчи марта 22 та блокда, уларнинг 11 таси қуруқликда ва 11 таси денгизда, нефть ва газ қидириш ва қазиб олиш бўйича тендер ўтказилган.

Ҳиндистонда Нипаҳ вируси хавфи

Ҳиндистоннинг Ғарбий Бенгал штатида Нипаҳ вируси тарқалди. Таиланд ва Непалда аэропортларда Ҳиндистондан келувчи йўловчилар текширилмоқда. Ҳозиргача 5 та тиббиёт ходими вирусга чалинган, улардан бири оғир аҳволда; 110 киши карантинга олинган. Вирус ҳайвондан инсoнгa юқади ва инсондан ҳам тарқалиши мумкин; ўлим кўрсаткичи 40–75%. Вакцина ёки даво мавжуд эмас.

АҚШда миграция назорати кучаймоқда

ICE (Иммиграция ва Божхона назорати) ноқонуний мигрантларни ушлаш ва депортация қилишни кучайтирди. Калифорнияда 2025 йилда камида 8 250 киши депортация қилинди. Операциялар фақат чегараларда эмас, ички шаҳарларда ҳам олиб борилмоқда, бу эса одамлар ва бизнеслар устидан босимни кучайтирмоқда.

Буюк Британия Бош вазири Хитойга боради

Буюк Британия Бош вазири Кир Стармер 28–31 январь кунлари Хитойга расмий ташриф билан боради. Ташрифда сиёсий, иқтисодий ва маданий алоқаларни мустаҳкамлаш, савдо ва инвестиция ҳамкорлигини кенгайтириш, шунингдек глобал хавфсизлик, иқлим ўзгариши ва пандемияларга қарши кураш масалалари муҳокама қилинади.

Нозимбек Мардонов, Ойбек Давронов ЎзА