Ҳиндистонда коронавирусга чалиниш билан боғлиқ кунлик кўрсаткич пасая бошлади.

Кеча мамлакат бўйича 281,3 минг киши инфекция юқтиргани аниқланган. Ҳолбуки, ушбу кўрсаткич 300 минг кишидан ҳам кўп бўлган кунлар бўлди, деб маълум қилди мамлакат соғлиқни сақлаш вазирлиги.

Ҳиндистон коронавирусга чалинганлар сони бўйича жаҳонда АҚШдан кейинги иккинчи ўринни эгаллаб турибди. Мамлакат соғлиқни сақлаш вазирлигининг сўнгги маълумотига кўра, мамлакатда коронавирусга чалинганлар сони 24,9 миллион кишидан ошган, 274 минг киши COVID қурбони бўлди.

Ҳиндистонда февраль ойи ўрталаридан коронавирус тарқалиши кучая бошлаган эди. Ҳатто, беш марта кунлик кўрсаткич 400 минг кишидан ҳам ошди.

Шунингдек, хабарда Ҳиндистонда ҳозиргача 182 миллион киши COVID га қарши эмлангани айтилмоқда. Бу мамлакат аҳолисининг қарийб, 13 фоизини ташкил этади.