“Hindistondagi vaksina yetishmasligi holati kamida iyulgacha davom etadi” dedi mamlakatdagi yirik vaksina ishlab chiqaruvchilardan biri, ixtisoslashgan Institut rahbari Adar Punavalla “Financial Times” ga bergan intervyusida.

Yozning o‘rtalariga borib vaksina ishlab chiqarish 100 million dozagacha oshiriladi. “Hindiston virusning yangi to‘lqiniga tayyor bo‘lmagani uchun vaksina defitsiti vujudga keldi, kasallik tarqalish ko‘lami keskin ortdi. Vaksinaga talab yo‘qligidan, yiliga milliardlab vaksina ishlab chiqarishimizni o‘ylamagandik”, dedi Punavalla.