Агра деганда дунё арихитектурасининг ноёб, такрорланмас намунаси – Тожмаҳал тилга олинади. Аммо Бобурийлар бу шаҳарни империя пойтахти сифатида беқиёс қалъа ва саройлар қуриб оламга танитдилар. Шундай улуғвор иншоотларнинг бири – Агра қизил қалъасидир. Акбаршох XVI асрнинг иккинчи ярмида Ямука дарёси бўйида уч километр узунликда салтанат бошқаруви учун ўз даврининг энг улкан саройини қурди. Қалъа деворлари 20 метр бўлиб, икки қават эди. Ичкарида ўнлаб саройлар, боғ ва сайлгоҳлар, ҳарбийлар қўрғони бор. Барча иншоотлар Бобурийлар учун анъанавий бўлган қизил тошдан бунёд этилган ва мана уч ярим аср ўтибдики ҳалигача бирон марта ҳам таъмирга муҳтож бўлмаган.

Кейинчалик, тахтга Шоҳжаҳон ўтиргач, оқ мармар ва олтин қопламали сарой, айвон, оромгоҳлар қурилган. Улар қимматбаҳо тошлар билан безалган бўлиб, ҳалигача сақланган.

<iframe width="727" height="409" src="https://www.youtube.com/embed/jxQhL8CoMY0" title="HINDISTON MANZARALARI. AGRA" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳаммаджон Обидов, 
Элёр Олимов (видео), 
ЎзА