Франция Президенти Эммануэль Макроннинг Ҳиндистонга тўрт кунлик расмий ташрифи доирасида икки давлат ўртасида йирик ҳарбий шартнома имзоланиши кутиляпти.

Аниқроғи, Ҳиндистон ўз Ҳаво кучлари ва Ҳарбий-денгиз флоти салоҳиятини юксалтириш учун жами 114 та "Rafale" қирувчи самолёти сотиб олишни режалаштирган. Мазкур шартнома қиймати тахминан 30 миллиард еврони ташкил этади.

Гарчи келишувнинг асосий шарти ташриф арафасида эълон қилинган бўлса-да, техник ва тижорий тафсилот бўйича музокара ҳали давом этяпти. Дарвоқе, Ҳиндистон аввал ҳам Франциядан 62 та шундай учоқ олган.

Ф. Яхшибоева, ЎзА