“Bloomberg” nashrining yozishicha, Rossiya eksportchilariga qarshi sanksiyalar tufayli Hindiston endi Gayanadan neft sotib olmoqda.

Manbalarga ko‘ra, RF Hindistonga chegirma bilan neft taklif qilgan, shunga qaramay, hind importchilari xarid hajmini keskin qisqartirgan. 

Maqolada aytilishicha, ikkita tanker allaqachon Gayanadan Hindistonga neft tashishni boshlagan. Ularning har biri 2 million barrel “qora oltin” yetkazib beradi. Tankerlar ekvatorning deyarli yarmini aylanib o‘tib, yanvar oyining boshida Hindistonga yetib kelishi kutilmoqda.

S.Rahimov, O‘zA