Joriy yilning 16-19 mart kunlari Tojikistonning Dushanbe shahrida sportning kurash turi bo‘yicha kattalar va o‘smirlar o‘rtasida o‘tkazilgan Osiyo chempionatida Guliston olimpiya zaxiralari kollejining 10-sinf o‘quvchisi Artikboyeva Hilola 52 kilogramm vazn toifasida Osiyo chempioni bo‘ldi.

Hilola Osiyo chempionati davomida Qirg‘iziston, Tojikiston, Eron va finalda xitoylik sportchilarni mag‘lub etdi. Hilola Artikboyeva Sirdaryo viloyati tarixida milliy kurash turi bo‘yicha ilk marotaba xalqaro maydonda oltin medal olgan sportchiga aylandi.

Sh. Suyarov, O‘zA.