Термизда Ўзбекистон Халқ демократик партияси Сурхондарё вилоят кенгашининг “Энг фаол депутат” кўрик танлови вилоят босқичи якунланди.

Қизғин баҳсларга бой бўлган танловда Халқ демократик партиясидан туман кенгашларига сайланган депутатлар аҳоли мурожаатларини ҳал этишнинг энг самарали йўли, сиёсий ҳозиржавоблик ва жамиятда дуч келган муаммони ҳал этиш каби шартлар бўйича ўзаро беллашди. Иштирокчилар, шунингдек, сайловолди дастурида белгиланган вазифаларни амалиётга татбиқ этишда халқ депутатлари маҳаллий Кенгашлардаги партия гуруҳларининг иштирокини кучайтиришда фаоллиги ва юксак сиёсий билими ва ташкилотчилик қобилиятини намойиш этди.  

Кўрик танлов якунида халқ депутатлари Денов туман кенгаши депутати Б.Хидиров фахрли биринчи ўринни қўлга киритиб, танловнинг мамлакат босқичига йўлланма олди. Иккита иккинчи ўрин Қумқўрғон ва Термиз туман кенгаши депутатлари О.Абдуллаев ва С.Саидовларга насиб этди. Учта учинчи ўринни Бандихон туманидан И.Холматов, Шеробод тумани кенгаши депутати Л.Хакимова, Жарқўрғон туманидан А.Тошпўлатов эгаллади.

Ғолиблар диплом ва эсдалик совғалари билан тақдирланди.  

Холмўмин Маматрайимов,

ЎзА мухбири