Маълумки, ҳайвонот боғлари ҳайвонларни сақлаш ва тури йўқолиб бораётган ҳайвон турларидан насл олиб уларни кўпайтириш мақсадида фаолият юритади. Бугунги кунда Термиз ҳайвонот боғида 101 турдаги 488 бош ҳайвон бор. Уларнинг 42 тури қизил китобга киритилган. Шунингдек, 9 бош айиқ парваришланмоқда.

Куни кеча ижтимоий тармоқларда “Айиқлар итга айланиб қолганини кўрганмисиз?” сарлавҳаси остида видео тарқалди. Ушбу видео юзасидан аниқлик киритиш мақсадида Термиз ҳайвонот боғига ташриф буюрдик. 

[gallery-16731]

Бир қарашда Термиз ҳайвонот боғида парваришланаётган 2 та айиқнинг бугунги кўриниши ҳақиқатдан ачинарли ҳолатда. Йиртқич айиқлар дайди ит кўринишига келиб қолмоқдами, дейди уларни кўрган киши. Айиқларнинг бугунги аҳволи ҳақида Термиз ҳайвонот боғининг директор ўринбосари Неъмат Абдуллаев қуйидаги маълумотларни тақдим этди:

2002 йилда Тошкент циркидан олиб келинган 2 бош Ҳимолай айиғи бугунга қадар 2 маротаба болалаган. Ҳайвонот боғи ходимлари 6 ой мобайнида онасида бўлган навбатдаги айиқ боласи яқин кунларда ажратилиб, алоҳида қафасда парваришланишда давом эттирилишини маълум қилди. Ушбу она-бола айиққа янада эътибор қаратилиб, парвариш қилинса, бошқа қувноқ айиқлар сингари ҳайвонот боғига келувчиларга табассум улашади.

<iframe width="650" height="420" src="https://www.youtube.com/embed/ga6noujQC44" title="Hayvonot bogʻidagi holat boʻyicha surishtiruv oʻtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат), ЎзА