Жорий йил 26 ноябрь куни тунда Экология ва иқлим ўзгариши миллий қўмитаси, Бош прокуратура, Фавқулодда вазиятлар вазирлиги, Миллий гвардия ва Ички ишлар вазирлиги ходимлари иштирокида Тошкент вилояти ҳамда пойтахт ҳудуди ҳавосини муҳофаза қилишга қаратилган кенг кўламли рейдлар ўтказилди.

Қибрай, Зангиота, Юқоричирчиқ, Янгийўл, Тошкент туманлари ҳамда пойтахтнинг турли нуқталарини қамраб олган текширувлар давомида табиатни муҳофаза қилиш қоидаларини қўпол равишда бузиш билан боғлиқ 240 та ҳуқуқбузарлик аниқланган, 6 та объект эса вақтинча ўз фаолиятини тўхтатган. 

24-26 ноябрь кунлари ўтказилган қўшимча ўрганишлар натижасида бу кўрсаткич янада ошган. 

Хусусан, жами 362 та ҳуқуқбузарлик қайд этилган. Атроф-муҳитга салбий таъсир кўрсатган 57 та объект фаолияти 10 иш кунига тўхтатилган.

Тунги рейдлар давом эттирилмоқда. Масъул идоралар ҳавони ифлослантираётган ҳар бир манбани қатъий назоратдан ўтказишини маълум қилмоқда. 

<iframe width="560" height="315" src="https://www.youtube.com/embed/zL_EXMHqNY4?si=czG6jhvBzYEbIvAY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Эшмирзаева, ЎзА