Россия-Украина
АҚШ ҳокимияти хитойлик компаниялар Россияга ёрдам бераяптики, улар Украинага қарши қўлланилмоқда.
Бу ҳақда Қўшма Штатлар Давлат котиби Энтони Блинкен “CBS” телеканалига суҳбатда айтиб ўтди.
“Бизда рад этиб бўлмас маълумотлар бор, бизнинг хавотиримиз ўринли. Бу жиддий муаммо яратиши ва муносабатларимизга салбий таъсир кўрсатиши ҳақида Пекинга етказганмиз”, деди Блинкен.
“NBC” телеканалига берган интервьюсида Блинкен Қрим масаласида, шунингдек, вазиятни тинч йўл билан ҳал қилишни АҚШ эмас, Украинанинг ўзи қарор қабул қилиши кераклигини айтган.
АҚШнинг БМТдаги доимий вакили Линда Томас-Гринфилд “CNN” телеканалига берган интервьюсида Вашингтон Киев ҳукуматига қирувчи “F-16” самолётларини етказиб бериш бўйича муҳокамани давом эттирмоқда.
ЕИ ташқи сиёсат хизмати раҳбари Жозеп Боррель Украинага барча қурол ва ўқ-дориларни етказиб бериш иши устувор масала эканини таъкидлади.
“Киевга кўп қурол-яроғ берилмоқда, ўқ-дори эса анча кам. Украина атрофидаги зиддият Европага бевосита дахлдор”, деди у.
Хитой Компартияси Марказий қўмитасининг ташқи ишлар бўйича комиссияси раиси Ван И “Украинада можаро узоқ давом этмаслиги керак, барча томонлар оташкесинни тўхтатиш масаласини чуқур мулоҳаза қилишлари керак”, деган.
“Хитой халқаро ҳамжамият билан вазиятнинг янада ёмонлашувининг олдини олиш ва тинчлик учун кураш олиб боришга тайёр”, деб қўшимча қилди у.
Франция ва Украина Президентлари Эммануэль Макрон ва Владимир Зеленский телефон орқали мулоқот қилдилар. Бу ҳақда Елисей саройига таяниб, “BFM” телеканали маълум қилди.
“Киев Германия, Франция ва Италиядан мамлакатни тиклаш учун инвестициялар кутади”, деб баёнот берди Зеленский “Corriere della Sera” газетасига берган суҳбатида.
Германия мудофаа вазири Борис Писториуснинг тахминига кўра, "бир неча ҳафта Украина учун ҳал қилувчи давр бўлади”. Бу ҳақда “Bloomberg” агентлиги маълум қилди.
Польша Президенти Анджей Дуданинг фикрича, зиддият ниҳоясига етгач, НАТО Украинага хавфсизлик кафолатини бериши керак. “Financial Times” газетасига берган интервьюда “Шимолий Альянс “Украина биз сен билан биргамиз” дейиши лозим, деган.
“Украина НАТОга кирмасидан аввал ундан маълум маънода хавфсизлик кафолатини олиши керак”.
Словакия Қуролли кучлари таркибидан чиқарилган қирувчи “МиГ-29” ўчоқларини Украинага беришдан олдин Миллий кенгаш (парламент)да муҳокамадан ўтказиши керак, деган мамлакатнинг мудофаа вазири Ярослав Надь “TA3” телеканалига.
Нидерландия ҳукумати томонидан Украинага қурол-яроғ етказиб беришга қарши юзлаб кишилар Амстердамда намойишга чиқишди.
“Қурол етказиб бериш кўплаб рус ва украинларнинг қурбон бўлишига олиб келади. Қолаверса, мазкур зиддиятнинг таъсири Нидерландия, Европага етиб келиши эҳтимоли катта. Биз учинчи жаҳон урушини истамаймиз”, дейишди намойишчилар.
Аброр ХОН, ЎзА