Жорий йилнинг 16 май куни соат 21:59 да Тошкент шаҳар Учтепа туманида жойлашган автомобилларни ювиш (автомойка) жойидан 1986 йилда туғилган фуқарога тегишли бўлган “Ласетти” русумли автоулов номаълум шахс томонидан олиб қочилган.

Бу ҳақида Тошкент шаҳар ИИББга хабар келиб тушди. Ҳолат юзасидан Республика ҳудудида автоуловни “ушлаш” тадбири эълон қилинди. 17 май соат тунги 03:00 ларда Оҳангарон туман ҳудудидаги “Чинор” ЙПХ масканида хизмат олиб бораётган ЙПХ инспектори сафдор Ф.А.Тошматов томонидан олиб қочилган транспорт воситаси ушланади. Суриштирув давомида ушбу жиноятни Қашқадарё вилоятида яшовчи 1994 йилда туғилган Э.Б.  содир этилгани аниқланди. Шунингдек, ҳайдовчи тиббий кўрикдан ўтказилганда маст ҳолда автомобиль бошқаргани маълум бўлди. Қоидабузар шахс ва транспорт воситаси Тошкент шаҳар ИИББ ходимларига топширилди.

<iframe width="560" height="315" src="https://www.youtube.com/embed/pv5NoZRYlw4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

А.Мусаев,ЎзА.