Аргентинада ўтган Президентлик сайловининг иккинчи босқичида фаворит ҳисобланмаган Хавьер Милей кутилмаганда 56 фоиздан кўп овоз тўплади.

“Euronews” ёзишича, кеча Хавьер Милей Аргентина етакчиси вазифасини бажаришга киришди. Пойтахт Буэнос-Айресдаги Конгресс биносида бўлиб ўтган инаугурация маросимида қабул қилинган қасамёддан сўнг, истеъфога чиққан давлат раҳбари Альберто Фернандес Милейга Президент тасмаси ва таёқчасини топширди.

“Озодлик” деган ҳайқириқ билан қарши олинган амалдаги давлат раҳбари анъанани бузди, яъни инаугурация нутқини депутатлар ҳузурида эмас, балки парламент биноси олдида йиғилган ўз сайловчилари олдида ирод қилди.

Маросимда Украина Президенти Владимир Зеленский, Венгрия Бош вазири Виктор Орбан, Қирол Фелипе VI ва Испаниянинг “Vox” партияси раҳбари Сантьяго Абаскаля, Бразилия собиқ Президенти Жаир Болсонаро сингари кўплаб сиёсатчилар иштирок этган.

Б.Худойбердиев, ЎзА