Hasanboy Do‘smatov titullari orasiga jahon chempionligini ham qo‘shib qo‘ydi
Mahoratli bokschimiz, “Rio–2016” Olimpiadasi chempioni Hasanboy Do‘smatov dunyo birinchiliklaridagi ikkinchi finalida chempionlikni rasmiylashtirdi.
Yurtdoshimiz hozirgina yakuniga yetgan hal qiluvchi bellashuvda fransiyalik Bilal Bennamani birinchi ruandda nokautga uchratib, -51 kilogramm vazn toifasining oltin medaliga sazovor bo‘ldi. Hasanboy Do‘smatov jahon chempioniga beriladigan 200 ming dollar pul mukofotini ham qo‘lga kiritdi.
Eslatib o‘tamiz, kun davomida Bahodir Jalolov ishtirokidagi final jangi bo‘lib o‘tadi.
O‘zA