Париж-2024 Олимпия ўйинлари Ўзбек спортининг халқаро майдондаги куч-қудратини кўрсатиб бериш билан бирга ўтган йиллар давомида мамлакатимизда жисмоний тарбия ва спорт соҳасида амалга оширилаётган ислоҳотлар не чоғли самарали кечаётганлигини кўрсатиб берди.

Дарҳақиқат, Франция спорт майдонларида юртимиз спортчиларининг, айниқса боксчиларимизнинг тарихий ғалабаси оламшумул натижа бўлди. Ушбу муваффақият бугун жаҳондаги турли спорт нашрларида, интернет тармоқларида кенг муҳокамаларга сабаб бўлди.

Айниқса, бокс оламида “профессор” номини олган Ҳасанбой Дўсматовнинг кейинги фаолияти, ҳаваскор ва профессионал боксдаги режалари хусусида турли-туман фикрлар билдирилмоқда.

Хўш, Дўсматов кейини спорт фаолиятида эътиборни профессионал боксга қаратадими ёки 2028 йилги Лос-Анжелес олимпиадасида иштирок этишга? Маҳоратли спортчимиз боксда қачон “профессор” унвонига эга бўлган? “Париж-2024” Олимпиадаси ортидан қўлга киритган совринлар, пул маблағларини қайси мақсадларга сарфлашни режалаштирмоқда?

Икки карра Олимпия ўйинлари ғолиби, жаҳон чемпиони, уч карра қитъа чемпионати ғолиби, Осиё ўйинлари ғолиби ва совриндори, жаҳоннинг энг кучли боксчиларига тақдим этиладиган  “Вэл Баркер” кубоги соҳиби, давлатимиз раҳбари томонидан “Эл-юрт ҳурмати” ордени билан тақдирланган Ҳасанбой Дўсматов билан ўтказган суҳбатимиз давомида юқоридаги саволларга қисман жавоб олдик.

Суҳбатни ЎзАнинг You Tube канали орқали кўришингиз мумкин. 

<iframe width="650" height="420" src="https://www.youtube.com/embed/9X7PeVjJ6bs" title="Hasanboy Doʻsmatov: “Gʻalabalarimiz zaminida davlatimizning eʼtibori mujassam”" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe> 

Тўлқин Рўзиев, Аброр Содиқов (видео), ЎзА.