Бугун Янги Ўзбекистон ёшлари нафақат мамлакатимизда, балки халқаро майдонда ҳам ўз билим ва қобилиятларини намоён этмоқда. Ана шундай иқтидор эгаларидан бири – Фарғона шаҳридаги Президент мактабининг 11-синф ўқувчиси Дилафрўз Собирова.

Яқинда у дунёнинг энг нуфузли олий таълим муассасаларидан бири – Ҳарвард  университетининг “Integrative Biology” йўналишига тўлиқ грант асосида қабул қилинди.

Грантнинг умумий қиймати 392 минг АҚШ долларини ташкил этиб, нафақат контракт тўловлари, балки яшаш, озиқ-овқат ва бошқа зарур харажатларни ҳам қамраб олади.

Дилафрўз нафақат академик, балки халқаро имтиҳонларда ҳам юқори натижаларга эришган: IELTS – 8.0, SAT – 1540, немис тили B2 даража. У шунингдек, атроф-муҳитни муҳофаза қилиш ташаббусларида фаол иштирок этиб, “Hogwarts” ёзги оромгоҳида қатнашган.

Қаҳрамонимиз “Breakthrough Junior Challenge” Top 30%, “HIPPO” халқаро инглиз тили олимпиадаси ярим финалчиси ҳамда инглиз тили фан олимпиадасидавилоят босқичи совриндори ҳисобланади.

ЎзА мухбири Д.Собирова билан эксклюзив суҳбат уюштириб, унинг ютуқлари ва келажакдаги режалари ҳақида батафсил ёзиб олди.

Ушбу суҳбатни ЎзАнинг “YouTube” каналида кўришингиз мумкин.

<iframe width="560" height="315" src="https://www.youtube.com/embed/2FA6hJQm3w0?si=wo1sgVZwq1sArGrU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Ойбек Давронов (видео),

ЎзА