Bunday muassasalarning harbiy qism tomonidan otaliqqa olinishidan koʻzlangan maqsad, nafaqat amaliy yordam koʻrsatish, balki barcha toifadagi harbiy xizmatchilar oʻrtasida shukronalik hissini uygʻotish, har qanday sharoitda ham oʻzgalarga koʻmak berish, savob ishni har kim va har kuni qilishi lozimligini anglashdir.

Mazkur hamkorlik natijasida Kattaqoʻrgʻon shahridagi 5-sonli aqli zaif bolalar maxsus maktab-internati oʻquvchi-yoshlari Kattaqoʻrgʻon garnizonidani artilleriyachilar harbiy qismiga sayohatga olib kelindi.

Oʻquvchi-yoshlar harbiy qism boʻylab sayohat qilishdi. Qurollarni ushlab koʻrish, harbiy orkestrning musiqa asboblarni chalishni mashq qilish ularga oʻzgacha zavq bagʻishladi. Harbiy xizmatchilar ular bilan birgalikda turli oʻyinlar oʻynab, yoshlarning qiziqishlari oshishi va tafakkuri rivojlanishiga hissa qoʻshdilar. Shuningdek, ularga turfa xil qiziqarli kitoblar sovgʻa qilindi. Bundan murgʻak qalblar yana-da quvonchga toʻldi.

Tadbir davomida konsert dasturi namoyish etildi.