ФОТОРЕПОРТАЖ
Наманган вилояти Уйчи туманида Ўзбекистон Республикаси Давлат хавфсизлик хизмати Чегара қўшинларига қарашли взводнинг янги биноси ҳамда ҳарбий хизматчилар учун бунёд этилган замонавий турар-жой фойдаланишга топширилди.
Шу муносабат билан ташкил этилган маросимда вилояти ҳокими, ҳарбий- маъмурий сектор раҳбари Шавкат Абдураззоқов иштирок этиб, ҳарбийлар, уларнинг оила аъзоларини қўшалоқ шодиёна билан самимий табриклади.
[gallery-15311]
Янги хизмат хонадонлари калитлари ўз эгаларига тантанали равишда топширилди. Рамзий лента қирқилгач, меҳмонлар бу ерда яратилган шароитлар билан танишди.
Таъкидлаш керак, мазкур ҳарбий қисмда 4 қаватли 36 хонадондан иборат турар-жой, маъмурий бино, кинология, отхона, мини стадион, омборхона ва бошқа қўшимча бинолар қуриб битказилди.
ЎзА фотомухбири Ҳотам МАМАДАЛИЕВ олган суратлар