Janubi-g‘arbiy maxsus harbiy okrug tasarrufidagi Xayrobod garnizonida joylashgan harbiy qismda Surxondaryo viloyatidagi kuch tuzilmalari harbiy xizmatchilari o‘rtasida “Harbiy prokuror kubogi” uchun uloq ko‘pkari va ot ustida kurash musobaqalari o‘tkazildi.

Xayrobod garnizonida joylashgan harbiy qismning “Alpomish” ot sport klubida o‘tgan musobaqada kuch tuzulmalarning ot sporti terma jamoalari bellashdi. Tadbirda faxriylar, maktab o‘quvchilari va mahallalar yoshlari ishtirok etdi.  

Ishtirokchilar e’tiboriga Surxon vohasinining milliy urf-odatlari, an’analari, madaniy merosi, xalq og‘zaki ijodi namunalari namoyish etildi.  

[gallery-16642]

Qizg‘in va murosasiz kechgan jamoaviy uloq ko‘pkari o‘yinida Milliy gvardiya huzuridagi “Qorabayir” otlari mahorat maktabi faxrli birinchi, viloyat favqulodda vaziyatlar boshqarmasi ikkinchi va Janubi-g‘arbiy maxsus harbiy okrug jamoasi uchinchi o‘rinni qo‘lga kiritdi.  

G‘oliblarga musobaqa kubogi va esdalik sovg‘alari topshirildi.

<iframe width="560" height="315" src="https://www.youtube.com/embed/XNf06VA-a_M?si=fHJHQ-WWM01WLVtS" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Jonibek QO‘ZIMURODOV(surat),O‘zA