Markaziy bank ma’lumotiga ko‘ra, O‘zbekistonda iqtisodiy faol aholining uchdan bir qismi kreditga ega.

Joriy yilning 1 iyun holatiga ko‘ra, 5,18 million kishi banklardan kredit olgan. Ulardan 27 foizida (1,4 mln) ikki va undan ortiq kredit mavjud.

2020 yildan beri uch va undan ortiq kreditga ega qarz oluvchilar ulushi 5 foizdan 11 foizga oshgan.

Regulyatorga ko‘ra, ishlayotgan har uchinchi o‘zbekistonlik — taxminan 5 million kishi — kamida bitta kreditga ega.

Sh.Mamaturopova,

O‘zA