Қорақалпоғистон Республикаси Хўжайли туманида жойлашган Ижтимоий ҳимоя миллий агентлигига қарашли 17-кўп тармоқли ихтисослаштирилган мактабгача таълим ташкилотида 78 нафар ногиронлиги бор болажон тарбияланади.

Бу ерда ҳар бир тарбияланувчи алоҳида эътиборда. Малакали педагог-тарбиячилар, дефектолог, психолог, шифокор ва ҳамширалар уларнинг жамиятга фаол қўшилиб кетиши учун астойдил ҳаракат қилмоқда. 

[gallery-23352]

– Касаллик турига қараб, мутахассисларимиз ҳар бир бола билан индивидуал ишлайди, - дейди ташкилот услубчиси Инобат Матниёзова. – Натижада саломатлиги ўртача бўлган болаларнинг аҳволи яхшиланиб, мактабга қатнамоқда. Бундай ижобий ҳолатларни кўриб, ҳаракатларимиз зое кетмаганидан хурсанд бўламиз.

<iframe width="650" height="420" src="https://www.youtube.com/embed/kLac5bBCTe4" title="Har bir tarbiyalanuvchi – alohida e’tiborda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА