Хитойда давом этаётган Осиё ўйинларининг стол тенниси мусобақаларининг 2-тур ўйинлари бугун бўлиб ўтди.

Стол тенниси бўйича Ўзбекистон терма жамоаси 2 - тур учрашувида Баҳрайн вакиллари билан рўбарў келди. Шиддатли ўйинда ишончли ҳаракат қилган теннисчи қизларимиз рақибларини 3:0 ҳисобида доғда қолдирди.

Терма жамоамиз аъзоларидан Розалина Хаджаева Марям Мажид Алалини 3:1 ҳисобида енгган бўлса, Марҳабо Магдиева ва Асел Эркебаева рақибларини 3:0 кўринишда мағлуб этишга муваффақ бўлди.

Энди стол теннисчи қизларимиз 24 сентябрь куни ўтказиладиган 1/16 финал босқичидаги мусобақаларда иштирок этади.

Т. Рўзиев, ЎзА