"Ханчжоу-2022" ўйинларидаги бокс мусобақаларини Халқаро олимпия қўмитаси назоратга олади
Осиё олимпия кенгаши (ОСА) Халқаро бокс ассоциацияси (IBA) ва Осиё бокс конфедерациясининг келаси йили Ханчжоуда Осиё ўйинларини ўтказишда иштирок этишининг ҳар қандай шаклини истисно этади.
Бу ҳақда Осиё олимпия кенгаши Бош ассамблеяси йиғилишида таъкидланди.
Бунинг ўрнига, қитъа ташкилоти Халқаро олимпия қўмитаси (ХОҚ) билан келгуси йил кечиктирилган ўйинларда бокс мусобақаларини ташкил этишда ҳамкорлик қилишни режалаштирмоқда.
ОCА дастлаб 2022 йили Ханчжоудаги қитъа ўйинларида боксни назорат қилиш бўйича ишчи гуруҳ тузган эди. Бироқ, Бош ассамблея йиғилишида Халқаро бокс ассоциацияси Халқаро олимпия қўмитаси томонидан тан олинмаганлиги сабабли Осиё бокс конфедерацияси билан ҳамкорлик қилмасликка қарор қилинди.
Т.Рўзиев,
ЎзА