Мамлакатимизнинг яқин стратегик шерикларидан бири саналган Хитой Халқ Республикаси билан иқтисодий ҳамкорлик алоқалари тобора фаоллашмоқда. Жумладан, Хитой Халқ Республикаси Сиёсий концултатив кенгашининг Жиангсу провинцияси қўмитаси аъзоси ва “Jiangsu Tong Ke real Estate Co.,Ltd” компанияси президенти Ян Бо бошчилигидаги делегациянинг Наманган вилоятида бўлиши ҳамкорликнинг янги қирраларини намойиш этди.

Меҳмонларни Наманган вилоят ҳокими Шавкат Абдураззоқов қабул қилди. Самимий рухда кечган мулоқотда Жиангсу провинцияси билан Наманган вилояти ўртасида ўзаро ҳамкорлик меморандумини тузиш ва имзолаш, келгуси йил февраль ойида водий вилоятида “Наманган – Хитой” бизнес форумини ўтказиш масалалари муҳокама қилинди.  

[gallery-20366]

Шунингдек, жорий йил 8 декабрь куни Хитойнинг Пекин шаҳри савдо-саноат палатасида Наманган ваколатхонаси очилиши ҳамда “Хитой – Наманган” бизнес форумини ўтказиш бўйича келишувларга эришилди. Жаноб Ян Бо суҳбат давомида “Янги Наманган шаҳарчаси”да замонавий турар-жой комплекси қурилиши учун инвестиция киритишга тайёрлигини, бунинг учун маҳаллий қадриятларни ҳисобга олган ҳолда намунали лойиҳа ишлаб чиқилишини билдирди.  

Хитой делегацияси Наманганга ташрифи давомида вилоятдаги эркин иқтисодий ҳамда кичик саноат зоналарида бўлди. Маҳаллий ишлаб чиқарувчи тадбиркорлик субъектлари билан амалий музокаралар ўтказади.  

Оқилхон Дадабоев, ЎзА