Өзбекстан Сыртқы істер министрінің орынбасары Бахром Алоев Халықаралық көші-қон ұйымының (ХКҰ) Оңтүстік-Шығыс, Шығыс Еуропа және Орталық Азия бойынша аймақтық директоры Манфред Профазиді қабылдады.

СІМ хабарлауынша, кездесуде Өзбекстан мен Халықаралық көші-қон ұйымы арасындағы ынтымақтастықтың өзекті мәселелері талқыланды.

Еңбек мигранттарының құқықтарын қамтамасыз ету, адам саудасына қарсы күрес және басқа да салалардағы екіжақты ынтымақтастықты одан әрі дамыту жөнінде пікір алмасылды.

Халықаралық көші-қон ұйымының Ташкенттегі өкілдігі тарапынан Өзбекстандағы жаңа жобаларды жүзеге асыру перспективалары қарастырылды, делінген хабарламада.