Өзбекстанда өтетін Олий Мажлис Заң шығару палатасы мен халық депутаттары жергілікті Кеңес депутаттарының сайлауы жақындап келеді. Осыған орай жергілікті орындарда бірқатар маңызды шаралар өтуде.

Еуропадағы қауіпсіздік және ынтымақтастық ұйымының Демократиялық институттар және адам құқықтары жөніндегі бюросының (ЕҚЫҰ ДИАҚБ) Өзбекстандағы парламент сайлауы бойынша миссиясының делегациясы Ферғана облысына сапар жасады.

[gallery-19785]

ЕҚЫҰ ДИАҚБ миссиясының жетекшісі Уэйк Дуглас және миссия өкілі Рашад Ширинов ЕҚЫҰ-ның ұзақ мерзімді бақылаушылары – Бенедикт Уильямс пен Михаэль Хаусман серіктестігінде Ферғана облыстық сайлау комиссиясының қызметімен танысты.

Өңірдегі сайлау комиссиясының төрағасы Э.Нуралиев сұхбат барысында мәртебелі қонақтардың Өзбекстанда өтетін сайлаулар мен оған дайындыққа байланысты сұрақтарына жан-жақты жауап берді.

суреттерді түсірген М.ҚОДИРОВ, ӨзА