Халықаралық аралас жекпе-жек федерациясының (IMMAF) президенті Керит Браун бастаған спорт делегациясы Ташкентке сапармен келді.

Сапар барысында халықаралық спорт ұйымының өкілдері алдағы уақытта Өзбекстанда өтетін аралас жекпе-жектен әлем чемпионаты және оның жүйесінде өтетін іс-шараларға арналған спорт кешендерімен танысуда.

IMMAF өкілдері Спорт министрлігінде өткен жиынға қатысты.

Сұхбат барысында Өзбекстан Республикасының Спорт министрі А. Икрамов соңғы жылдары республикада спорт саласында жүзеге асырылып жатқан реформалар, қол жеткізген жетістіктерге тоқталып, аралас жекпе-жек халықаралық федерациясымен достық қарым-қатынас жаңа кезеңге көтерілгенін айтты.

Өз кезегінде қонақтар Өзбекстанның халықаралық аренада, әсіресе, жекпе-жек әлемінде өзіндік орны бар екенін атап өтті.

Халықаралық аралас жекпе-жек федерациясының атқарушы директоры Денсин Уайт, ұйымның Азия континентінің директоры Виссам Аби Надер және басқа да ресми тұлғалар қатысқан кездесу соңында спорттық күресті нығайту бойынша белгілі келісімдерге қол жеткізілді.