18 ноябрь – Ўзбекистон Республикаси Давлат байроғи қабул қилинган кун.

Байроқ! У фақат белги эмас, у аждодлар руҳи, эл-юртнинг борлиги ва эртанги кунга бўлган ишончдир. Байроқ ҳилпираса — юраклар уйғонади, чунки унда халқнинг виждони, орзуси ва тарихнинг ўчмас изи мужассам.

Ўзбекистон Республикасининг Давлат байроғи бу шунчаки рамз эмас — у тарих, шараф, ғурур ва мустақиллигимиз тимсолидир.  

Жиззах вилоятида ҳам ушбу қутлуғ сана кенг миқёсда нишонланмоқда. Бунга бир мисол тарқасида Жиззах вилояти божхона бошқармасида ўтказилган тадбирни айтиб ўтишимиз мумкин.  

“Бир Ватан, бир эл, бир байроқ — юртимиз ғурури ва ифтихори!” шиори остида ўтказилган тадбирда божхона ходимларининг матонати, фидойилиги ҳилпираган байроққа бўлган эҳтироми ва юртга муҳаббати яққол намоён бўлди. Юртимизнинг бу садоқатли фарзандларига қараб, инсон қалбида фахр ва ифтихор туйғулари янада жўш уриши табиий.

Байроқ — бу халқнинг бирдамлиги, юрт осойишталиги ва буюк келажакка интилишининг рамзидир. У ҳар бир хонадонда, ҳар бир муассасада, ҳар бир дилда ўзининг муқаддас ўрнига эга. Шунинг учун ҳам бу муқаддас тимсолга ҳурмат кўрсатиш — бу ватанга, халққа, тарихимизга бўлган муҳаббатнинг энг юксак кўринишидир.

<iframe width="560" height="315" src="https://www.youtube.com/embed/vC77m1J2whQ?si=tPZ3JUMTBKDSJNH1" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдужалол Қаюмов, ЎзА мухбири