Мамлакатимизга амалий ташриф билан келган Халқаро турон яккакураши федерацияси(ITF) раҳбари Фарруҳ Ниязимбетов бошчилигидаги делегация куни кеча пойтахтимизда бунёд этилган Олимпия шаҳарчасининг спорт мажмуалари билан яқиндан танишди.

Қароргоҳи АҚШда жойлашган Халқаро турон яккакураши федерацияси мутасаддилари шаҳарчадаги спорт иншоотларида яратилган шароитлар, ушбу мажмуаларда нуфузли халқаро мусобақалар ва халқаро ўқув-машғулот йиғинларини ўтказиш имкониятлари юқори эканлигини эътироф этди.

Спорт вазири ўринбосари Аваз Каримов ва тегишли мутахассислар билан ўтказган мулоқоти давомида турон яккакураши спорт турини янада ривожлантириш, унинг оммавийлигини таъминлаш, мусобақалар ташкил этиш борасида фикр-мулоҳазалар ва таклифлар илгари сурилди.

Т.Рўзиев, ЎзА