Бокс бўйича Ўзбекистон терма жамоаси аъзолари Қозоғистоннинг Актау шаҳрида "Шокир Болтекули" хотирасига бағишланган анъанавий XVI халқаро турнирда 4 та олтин, 2 та кумуш ва 4 та бронза медалини қўлга киритди.

Кеча мусобақанинг финал баҳслари бўлиб ўтди. Муросасиз жанглар натижасига кўра, ҳамюртларимиздан Саят Илясов, Шаҳбоз Юнусалиев, Сирожиддин Хожаҳмедов, Нусрат Тоҳиров олтин, Нодиржон Мирзаҳмедов ва Сардор Шомуродов кумуш, Аюбхон Бахтиёров, Жавоҳир Қойсинов, Алишер Аюбов, Айназар Кенесбаев ўз вазнларида бронза медалларига сазовор бўлди.

Мазкур мусобақаларни ҳакам сифатида бошқариб боришда “Атланта-1996” Олимпиадаси совриндори, ҳозирда халқаро тоифадаги рефери, ҳамюртимиз Карим Тўлаганов иштирок этди.

Т.Рўзиев, ЎзА