Аввал хабар қилинганидек, Татаристон Республикасининг “Алабуга” махсус иқтисодий зонасида бўлиб ўтган МДҲ халқаро онлайн чемпионати финал босқичида сурхондарёлик билимдонлар юртимиз шаънини юксак даражада ҳимоя қилди.

Мусобақада Ўзбекистон делегациясининг 11 нафар финалчиси иштирок этган бўлса, уларнинг 10 нафари сурхондарёлик эканлиги вилоятнинг илмий салоҳияти, ёшларнинг билимга чанқоқлиги ва устозларининг фидокорона меҳнатидан далолатдир. 

[gallery-24992]

Ғолиб ёшлар Денов туманидаги 74-мактабда таҳсил олади.

Сурхондарё вилояти мактабгача ва мактаб таълими бошқармаси бошлиғи Ҳусниддин Мамадиев халқаро мусобақа ғолиблари билан учрашди. Самимий мулоқотда ёшлар ўз тажрибалари билан ўртоқлашиб, муваффақият сари олиб борган изланишлари ҳақида сўзлаб берди. Учрашув ҳаяжонли таассуротлар, келажакка бўлган орзу-интилишлар ва янги марраларни забт этиш ҳақидаги қарашлар билан қизиқарли тус олди.

<iframe width="650" height="420" src="https://www.youtube.com/embed/9r9tUJ2s_Kc" title="Xalqaro musobaqa g‘oliblari bilan uchrashuv" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА