Европада Хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайловини кузатиш бўйича миссияси вакиллари – Мари-Терез Карлен ва Сергей Риги Жиззах вилоятида сайловга тайёргарлик қандай кетаётгани билан танишди.

Ҳудудлардаги сайлов комиссиялари фаолиятини ўрганган халқаро кузатувчилар ҳудудий сайлов комиссиясида бўлиб, комиссия раиси Шавкат Шарипов, раис ўринбосари Тўлқин Юнусов ҳамда комиссия котиби Дилшод Ўроловлар билан суҳбатлашди.

Суҳбат жараёнида Мари-Терез Карлен сайловга тайёргарлик жараёни уларда ижобий хулоса қолдираётганини эътироф этди.

Шунингдек, халқаро кузатувчилар муддатидан олдин овоз бериш тартиби, сайлов участкаларида жараённинг ташкил этилиши каби ўзларини қизиқтирган саволларга ҳудудий сайлов комиссияси раиси Шавкат Шариповдан атрофлича жавоб олишди.  

А.Қаюмов, Ж.Ёрбеков (сурат),

ЎзА мухбирлари