Референдум жараёнлари халқаро кузатувчилар томонидан кузатиб борилди.

Туркия Республикасидаги “Мarmara group” жамғармаси раиси Аккан Сувер ҳам Тошкент шаҳридаги 16 та референдум участкасида овоз бериш жараёнларини кузатди.    

 – Ҳар бир участкада аҳоли вакиллари кўтаринки кайфиятда иштирок этди, – деди А.Сувер. – Айниқса, ёшларнинг фаоллигини кўриб қувондим. Биз ташриф буюрган участкаларда куннинг ярмида 50 фоиздан кўп овоз берувчилар ўз овозини бериб бўлгани ижобий ҳолат. Бу одамларнинг сиёсий жараёнга бефарқ эмаслигини намоён этади. Бугунги референдум Ўзбекистон халқининг келажаги учун катта қадам, катта мақсадлар сари йўл очади. Унда фуқаролар ўз хоҳиши билан қатнашиши жуда муҳим. Шундай экан, ўзбек халқига референдумнинг муваффақиятли ўтаётгани муборак бўлсин.    

Муҳтарама КОМИЛОВА, ЎзА  

--0--