20 март куни Рақамли технологиялар вазири Шерзод Шерматов Халқаро информатика олимпиадасига тайёргарлик кўриш мақсадида ўқув машғулотларида иштирок этган ўқувчилар ва Зулфия номидаги Давлат мукофотининг 2025 йилги совриндорлари билан учрашув ўтказди.

2026 йилда илк бор нуфузли IOI- Халқаро информатика олимпиадасига Ўзбекистон мезбонлик қилади. Жорий йилдан бошлаб ушбу олимпиадага муносиб тайёргарлик кўриш мақсадида хориждан мураббийлар жалб қилиб, ўқувчиларни олимпиадага тайёрлаш жараёнлари бошланди. 

Вазирнинг иқтидорли ёшлар билан учрашувига яна бир муҳим сабаблардан бири жорий йил илк бор Зулфия номидаги Давлат мукофоти йўналишлари сафига АйТи соҳасини ҳам қўшилгани бўлди. Бу йил АйТи соҳасида фаолият юритиб, юксак натижаларга эришган 4 нафар хотин-қизлар ушбу мукофот билан тақдирланди.

Ундан ташқари мусобақага тайёргарлик доирасида ўқув машғулотларида иштирок этган ўқувчиларга керакли кўрсатма ва маслаҳатлар берилди.

<iframe width="650" height="420" src="https://www.youtube.com/embed/wxK8Hj84qtY" title="Xalqaro informatika olimpiadasiga tayyorgarlik jarayonlari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин Нуриддинов, Нишонбой Абдувоитов, Улуғбек Тўхтаев, ЎзА