Бугунги кунда Янги Ўзбекистонда амалга оширилаётган ислоҳотлар жараёнида халқ ҳокимиятчилиги, инсон қадри, эркинлик ва тенглик, ижтимоий адолат ва бирдамлик каби эзгу ғоялар атрофида фуқароларни жипслаштириш масалалари бош қомусимиздан жой олди. Хусусан, Жамоат хавфсизлиги университетида “Янгиланган конституция-барқарор экологик тараққиёт ва демократик ҳуқуқий ривожланиш пойдевори” мавзусига бағишланган халқаро илмий-амалий конференцияси бўлиб ўтди.

Давлатимиз раҳбари томонидан қабул қилинган “Ўзбекистон Республикаси Конституцияси куни байрамига тайёргарлик кўриш ва уни ўтказиш тўғрисида”ги Фармойишда алоҳида таъкидланганидек, Конституциямизнинг 33 йиллиги давлатимиз, жамиятимиз ва ҳар бир фуқаро ҳаётида улкан маънавий-сиёсий аҳамият касб этади. Мазкур ҳужжатда белгиланган вазифалар — халқ ҳокимиятчилиги, инсон қадр-қиммати, эркинлик, тенглик ва адолат тамойилларини янада чуқур англаш, уларни амалий ҳаётга кенг татбиқ этиш — мазкур конференциямизнинг ҳам бош мақсадига уйғун ҳолда амалга оширилди.

Мазкур конференцияда АҚШ, Германия, Озарбайжон, Қозоғистон, Қирғизистон, Россия, Беларусь каби давлатлар ҳамда мамлакатимиз ҳуқуқшунос олимлари иштирок этдилар.

Тадбир давомида иштирокчилар томонидан Янги Ўзбекистон Конституциясида мустаҳкамлаб қўйилган “Янгиланган Конституция – барқарор экологик тараққиёт ва демократик ҳуқуқий ривожланиш пойдевори” ва шу йўналишдаги принциплари амалиётда қандай қўлланилаётгани, фундаментал ҳуқуқ ва эркинликларнинг кафолатланиши, қонун устуворлигини таъминлаш борасида олиб борилаётган ислоҳотлар чуқур муҳокама қилинди.

Халқаро илмий-амалий конференция якунида иштирокчилар томонидан Ўзбекистонда ҳуқуқий давлат барпо этиш йўлида амалга оширилаётган кенг кўламли ислоҳотлар давомийлигини таъминлаш, конституциявий принципларга асосланган бошқарувни янада такомиллаштириш, шунингдек, илмий изланишлар ва амалий тавсияларни давлат дастурларига татбиқ этиш бўйича тавсиялар қабул қилинди.

<iframe width="560" height="315" src="https://www.youtube.com/embed/8Il7Wg-HoKc?si=ctUJfyjq4ByTmn8_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Нишонбой Абдувоитов, ЎзА