АҚШнинг Вашингтон штатидаги Оқ уй яқинида 26 ноябрь куни отишма содир бўлди. Оқибатда Миллий гвардиянинг икки нафар ҳарбий хизматчиси яраланди. Бу ҳақда Reuters хабар берди. Отишма содир этган шахс ўқ жароҳатлари олгач, қўлга олинган. Гумонланувчи 29 ёшли Афғонистон фуқароси Раҳмонулла Лаканвал экани аниқланган. Ҳозирда ҳужум террорчилик ҳаракати сифатида тергов қилинмоқда. Лаканвал 2021 йилда АҚШга афғонлар учун махсус виза дастури доирасида келган. Аммо унинг виза муддати тугаган ва мамлакатда ноқонуний яшаб келган.

Aфғонистонлик муҳожир отишма содир этиб, икки гвардиячини оғир яралагани ортидан Президент Дональд Трамп Байден президентлиги даврида АҚШга келган афғонларни текширишни талаб қилди. Бу ҳақда Reuters хабар берди. Отишма содир этган шахс ўқ жароҳатлари олгач, қўлга олингани ҳақида хабар берилган эди. Трамп ушбу отишмани “теракт” деб баҳолади.

Перу суди 26 ноябрь куни мамлакат собиқ президентини пора олишда айбдор деб топди. Суд унга 14 йиллик қамоқ жазоси тайинлади. Шу тариқа у коррупция сабаб жазоланган собиқ президентлар рўйхатига қўшилди. Бу ҳақда Reuters хабар берди. Маълум қилинишича, Вискарра 2011 йилдан 2014 йилгача жанубий Моқуэгуа провинцияси губернатори лавозимида ишлаган. Шу даврда у жамоат ишлари бўйича шартномалар эвазига қурилиш фирмаларидан 676 минг долларга тенг миқдорда пора олган.

Мексикада “Коинот гўзали” (Miss Universe) ташкилоти президенти Рауль Роча гиёҳванд моддалар, қурол-яроғ савдоси ва ёқилғи ўғирлаш билан боғлиқ гумонлар юзасидан тергов қилинмоқда. Бу ҳолат гўзаллик танлови атрофидаги можаро ва баҳсларни янада кучайтирди. Мексика бош прокуратураси тергов доирасида 13 та ҳибсга олиш ордери чиқарилганини таъкидлади, бироқ шахсларнинг исми ошкор этилмади. Маҳаллий ОАВ эса ушбу ордерлардан бири айнан Рауль Рочага нисбатан чиқарилганини хабар қилмоқда. Прокуратура ҳужжатларида у “Raul R” деб қайд этилган.

Австралиянинг Янги Жанубий Уэльс штатидаги пляжда сузаётган аёл ва эркакка акула ҳужум қилди. Оқибатда 20 ёшли аёл воқеа жойида ҳалок бўлди. Бу ҳақда BBC хабар берди. Полиция маълумотига кўра, 20 ёшлардаги эркак оғир аҳволда Ньюкасл шаҳридаги шифохонага вертолётда олиб кетилган. Ҳодиса 27 ноябрь куни Кайлис-Бич пляжида юз берган. Тез ёрдам ходимлари етиб келишидан олдин гувоҳлардан бири эркакнинг оёғига қўлбола жгут қўйган. Айнан шу эркакнинг ҳаётини сақлаб қолган бўлиши мумкин.

<iframe width="650" height="420" src="https://www.youtube.com/embed/66nZCiv6U3E" title="Xalqaro dayjest" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ирода Жўраева, Улуғбек Тўхтаев, ЎзА